Chat with Mayanthi Palika Jayawardena

Views

කැමරාව ඉදිරියේ අඩනිරුවත් චරිතයක් කරන කෙනා සැබෑ ජීවිතයේ එවැනි කෙනෙක් නෙවෙයි - පාලිකා

රූපවාහිනී නිවේදිකාවක් ලෙස ඔබගේ ආලින්දයට පැමිණ මේ වන විට එම ගමන් මග වෙනස් කරමින් නිරූපණ ක්ෂේත්‍රයට ප්‍රවිශ්ඨ වී සිටින නැගී එන නිරූපණ ශිල්පිනියක් වන මයන්ති පාලිකා කරුණානායක ජයවර්ධන සමගිනුයි සිරසගොසිප් අපි මෙවර කතා බහ කළේ. මේ මයන්ති සමග කළ සම්පූර්ණ කතාබහයි. 

නම : - මයන්ති පාලිකා කරුණානායක ජයවර්ධන
උපන් දිනය :-  මාර්තු 09
පාසල : කොළඹ යශෝදර බාලිකා විද්‍යාලය
ගම : ගොඩගම

මොකක්ද මේ බල්ලොත් එක්ක  හිතවත් කතාව?
මෙහෙමයි... මම විනෝදාංශයක් විදිහට මම කරන්නේ බල්ලෝ හදන එකයි එයාලාට කන්න දෙන එකයි. මම සතුන්ට මාර ආදරෙයි.

ක්ෂේත්‍රයට එන්නේ කොහොමද? දැන් කොච්චර කලක් වෙනවාද මේ ක්ෂේත්‍රයට ඇවිත්?
කලින් මම රූපවාහිනී නිවේදිකාවක් විදිහට වැඩ කළා. ඒකෙන් පස්සේ තමයි නිරූපණ ක්ෂේත්‍රයට එන්නේ. තාම කෙටි කාලයයි නිරූපණ ක්ෂේත්‍රයට ඇවිත්. 


එතකොට රංගනයට එක්වෙන්නේ.
මුලින්ම රංගනයට ආවේ ප්‍රසාද් අබේකෝන්ගේ මන්දාකිණිය කියන මියුසික් වීඩියෝ එක හරහා. ඒකට සම්බන්ධ වුණේ ප්‍රභාත් රණවීර කියන මගේ යාළුවා හරහා. 

මෝස්තර නිරූපණ/රංගන ක්ෂේත්‍රයට එක්වීමට කුඩා කල සිට හීනයක් තිබුණද? 
ඇත්තටම හීනයක් නොතිබුණාම නෙවේ. කොහොමත් මම කලාව කියන දේට පොඩි කාලේ ඉඳලම ලැදියි. ඉස්කෝලේ වුණත් බාහිර දේවල් ගොඩකට ඉදිරිපත් වුණා. 

උදව් කරපු අය ගැන සිහිපත් කළොත්....
ඇත්තටම නිරූපණ ශිල්පිනියක් විදිහට ඉස්සරහට එන්න මුලින්ම උදව් කළේ ඉමේෂ් නුවන්දක. හැමෝගේම නම් කියන්න බැරි වෙන එකට සමාවෙන්න ඕන. ගොඩක් අය අදටත් උදව් කරනවා. 

මොඩලින් කරද්දී ඔයාගේ සීමාවන් මොනවද?
සීමාවන් කියන දේ එන්නේ අපේ හිතෙන්. නමුත් අපි වෘත්තියක් කරනවා නම් ඒකට සාධාරණයක් කරන්න ඕනි. 

ඔබට කිසියම් අවස්ථාවකට යෝජනා කෙරුණොත් අඩනිරුවත් නිරූපණයකට... එවැනි අවස්ථාවක ඔබ ගන්නා තීරණය කුමන ආකාරයේ එකක් වෙයිද?
ඒක ඉතින් හම්බවෙන චරිතය මත තීරණය වෙයි. මොකද රඟපෑමක් කියන්නේ වටිනා දෙයක්. අපි දැනගන්න ඕනි රඟපෑමක් කරන විට ඒකේ උපරිමය කරන්න. ඉතින් හොඳ පණිවිඩයක් සමාජයට දෙන්න පුළුවන් නම් අපි ඒක කළාට කමක් නෑ. රඟපෑමයි පුද්ගලික ජීවිතයයි වෙන් කරලා තිබ්බම හරි. කැමරාවක් ඉස්සරහ අඩනිරුවත් චරිතයක් කළා කියලා ඒ කෙනා හැබෑ ජීවිතේදී එහෙම කෙනෙක් වෙන්නේ නෑ. 

මොනද ඉදිරියේදී කරන්න බලාපොරොත්තුවෙන් ඉන්නේ. 
ඉදිරියේදී වැඩ කිහිපයක් බාර අරන් කරන්න තියෙනවා. ගීත නිර්මාණ, රූපවාහිනී වෙළෙඳ දැන්වීම් කිහිපයක්... ඒ වගේ දේවල්...

ශ්‍රී ලංකාවේ මොඩලින් ගැන මොනවද කියන්න තියෙන්නේ. 
ඇත්තටම ගොඩක් සතුටුයි. තව ලොකු ගමණක් යන්න බලාපොරොත්තු වෙනවා. අමාරුයි තමයි. නමුත් උත්සාහය අත්හරින්නේ නැහැ. 

මේ ආපු දුර පිළිබඳ මොකද හිතෙන්නේ... 
රංගනයේදී/මෝස්තර නිරූපණයේ දකින්න අකමැතිම දේ කුමක්ද?
මම දකින්න අකමැතිම දේ තමයි එහෙට මෙහෙට දේවල් කියන එක. අපි මොනා හරි දෙයක් කරන්නේ කනෙකේ එක්ක විශ්වාසේට. නමුත් පස්සේ ඒ කෙනා ඒක වැරදි විදිහට තැන් තැන්වල ගිහින් කියනවා නම් ඒක මාර අසාධාරණයි. මට ඒවා පෙන්නන්න බෑ. මම කොහොමත් කෙළින් කතා කරන කෙළින් වැඩ කරන කෙනෙක්. ඒ හින්දා ඒ වගේ දේවල් වලදි මට මාර විදිහට තරහ එනවා.

ආදරය ගැන මොකද හිතන්නේ....?
ආදරය කියන්නේ බොහෝම සුන්දර අත්දැකීමක්. 

දැනට ඔබ ආදරවන්තයෙක්ද? ආදරවන්තියක්ද?
නෑ... දැනට මම නිදහසේ ඉන්න කෙනෙක්. 

ඔබට පාසල් ප්‍රේමයේ අත්දැකීම් කෙසේද?
අම්මෝ... පාසල් ප්‍රේමේ ගැන නම් අත්දැකීම් ගොඩක් තියෙනවා. කෙටි කාලීන ඒවා තමයි. හරි සුන්දරයි.

දැන් ගොඩක් අය සමාජ සත්කාර කරනවා. ෆේස්බුක් සමාජ ජාලය හරහාත් මුදල් එකතු කරමින් එවැනි දේවල් කරනවා. මේ සම්බන්ධයෙන් ඔබ දරන්නේ කුමන මතයක්ද?
ඒක හොඳ දෙයක්. සමාජ සේවය කියන්නේ ඉතින් මොන විදිහට කළත් හොඳ දෙයක්. නමුත් ඒක නමින් අයුතු දේවල් කරනවා නම් ඒක වැරැද්දක්. 

දේශපාලනය ගැන ඔබේ මතය කොහොමද?
දේශපාලනය කියන්නේ රටක් පාලනය කිරීමට අපි හදාගත්ත දෙයක්. නමුත් දේශපාලනය නිවැරදිව කරන අය අඩුයි. 

මයන්තිගේ තවත් ඡායාරූප එකතුවක් පහතින් බලන්න